وجوديات: أسئلة

"... شيئا فشيئا نفهم أن الناس صعدوا، ليحاسبهم الله في السماء/ أنا وأنتِ، يا حبيبتي، وحيدان هنا على الأرض/ لا بد أن الملائكة ستبتسم لنا من الأعالي وتقول:/ 'والنبي يا رب/ امنح البشرية/ فرصة ثانية" ,, عماد أبو صالح

  

***

الراجل كان راكب جنبي وبايلنه سكران طينة* قاللي يا باشا مينفعش ربنا يدخلنا كلنا الجنة المؤمن والكافر الوِحش والكويس قلتله مينفعش عشان ده عمل كويس وده عمل وحش يتساووا إزاي قاللى يا باشا كله بيعمل الوحش وبعدين كفاية إنه عايش بيتألم طول عمره بالمرض أو الفراق أو الفقر أو كلهم قلتله عشان ظلم غيره يمكن قاللي يا باشا طيب ما هو اللى خلى الوحش يبقى كدا وهيأله الظروف اللي تخليه كدا ولو عايزه يبقى كويس هيخليه ولو عايز الناس كلها تبقى مؤمنه بيه كان عملها برضو "سبحانه وتعالي" يعني أنا بسأل بس، استغفرر الله العظيم يا باشا متفهمنيش غلط بس سؤال شكلك بتفهم قولي كان ليه كل العك ده والحيرة دي  والعذاب والألم ده ما كان دخلنا كلنا الجنة واستريحنا قلتله معاك حق

*طبعا لا فيه راجل ولا نيله

***

حبيبي يا بوب أراك تتحدث عن الـ Buffalo Soliders فتدمع عيني على الشباب الأسمر الذي سيق إلى الموت في معركة ليست معركته إطلاقًا يقتل كي تتسع رقعة خدمته الزراعية يحدث نفس الأمر كذلك عندما تنصت روحي لـ Redemption song أراك إنساني عظيم يا بوب تصدح بالحرية والمساواة والعدل والإخاء، أتراك يا بوب مارلي لو كنت أبيض مش كنت هتبقى ابن وسخة زيهم، إحنا أدوات أساحبي والفيلم كبير

 

***

في خضم الحديث عن الخيارين المرين والخيار الثالث الذي فيه دم، قالي وأنا راكب جنبه في الأتوبيس يا باشا اللى عايزاه أمريكا هيكون قلتله إزاي، لا إله الله مفيش غير ربنا يقدر يقول كن فيكون، قالي بص ربنا بعده أمريكا وبعدها إسرائيل قلتله لكن إحنا عندنا الأوبشن التالت قالي يا بيه بقولك اللى عايزاه أمريكا بعدها ربنا بعده إسرائيل قلتله أنت لخبطت الترتيب كدا قالي أوه ماتكفرناش بقا