نزلت أشتري نعناع (لزوم الشاي) وسجاير 3 عيال صغيرين بيلعبوا كورة سألني واحد انت مصري؟ قلت آه... قالى و لا صعيدي؟ (بصوت مفتعل ... باينلهم العيال الصعايدة في الشارع لسعوه علقة) قولتله صعيدي يعني مصري قالي بس أنا قاهري قولتله وأنا كمان قاهري دلوقتي، سكت .. التاني مع نفسه قال ارفع راسك فوق انت مصري قولتله أيوه كلنا مصريين إيد واحده قال لأ ارفع راسك فوق أنت مسلم قولتله مسلم ومسيحي إيد واحده قاللى لأ يعم قولتله: ليه قالي: لأ يعم هما بيقولوا ارفع راسك فوق انتَ مسيحي قولتل:ه لأ كلنا مصريين مسلميين ومسيحيين، التالت قاللى أيوه انا ليا صاحب مسيحي... يا ريت الغجر من الطرفين يخفوا شوية عشان العيال ... عيالي يا غجر!
ليست هناك تعليقات:
إرسال تعليق